"Barselona" PSJ futbolchisi Xavi Simons bilan shartnoma imzolamaslikka qaror qildi.

"El Nacional" nashri xabariga ko‘ra, kataloniyaliklarning bunday qaroriga parijliklar hujumchisi Lionel Messi ta’sir ko‘rsatgan. Xavi bilan birgalikda o‘tgan kechki ovqat paytida argentinalik futbolchi “Barsa” ustoziga yarim himoyachi bilan shartnoma imzolamaslikni maslahat berdi.

Qayd etilishicha, Messining maslahati Xavining qaroriga ta’sir qilgan asosiy omillardan biri bo‘lgan.

Ma’lumot uchun, Xavi Simonsning PSJ bilan shartnomasi kelasi yil yozida tugaydi. U joriy mavsumda beshta o‘yinda maydonga tushib, bitta golli uzatmani amalga oshirdi.