«Manchester Yunayted»ning sobiq hujumchisi Alan Smit Ralf Rangnik jamoasini tanqid qildi. Faxriyning fikricha, u jamoa deyishga ham arzimaydi.
«Menimcha, «Manchester Yunayted»da aniq nimadir noto‘g‘ri. Bu jamoada ko‘plab iqtidorlar bor va bu tarkib bilan ancha yaxshi o‘ynashlari kerak.
Ammo futbolchilarning ruhiyati yaxshimi? Muxlislarning hafsalasini pir qilgan narsa ham aynan shu.
Bu yigitlarning hammasi jamoa g‘ururini his qilmayapti. Ular bir klub uchun kurashadigan futbolchilarga o‘xshamaydi. Bu to‘g‘ri bo‘lmasligi ham mumkin, lekin odamlar tashqi tomondan shunday ko‘rishmoqda”, deydi Alan.
