«Манчестер Юнайтед»нинг собиқ ҳужумчиси Алан Смит Ральф Рангник жамоасини танқид қилди. Фахрийнинг фикрича, у жамоа дейишга ҳам арзимайди.
«Менимча, «Манчестер Юнайтед»да аниқ нимадир нотўғри. Бу жамоада кўплаб иқтидорлар бор ва бу таркиб билан анча яхши ўйнашлари керак.
Аммо футболчиларнинг руҳияти яхшими? Мухлисларнинг ҳафсаласини пир қилган нарса ҳам айнан шу.
Бу йигитларнинг ҳаммаси жамоа ғурурини ҳис қилмаяпти. Улар бир клуб учун курашадиган футболчиларга ўхшамайди. Бу тўғри бўлмаслиги ҳам мумкин, лекин одамлар ташқи томондан шундай кўришмоқда”, дейди Алан.
