So‘nggi paytlarda «Bavariya» yarimhimoyachisi Korentin Tolissoning yozda Yevropa klublaridan biriga tekinga o‘tishi mumkinligi haqida mish-mishlar tarqaldi. Biroq, ketma-ket muvaffaqiyatsizliklardan so‘ng myunxenliklar yana bir bor futbolchi bilan yangi shartnoma imzolash bo‘yicha muzokaralar olib borishga harakat qiladi.

Bu haqda klub bosh direktori Oliver Kan ma’lum qildi. Unga ko‘ra, «Bavariya» 27 yoshli yarimhimoyachini o‘zida saqlab qolishdan manfaatdor.

To‘g‘ri, hozirda Tolissoning o‘zi moliyaviy talablar bajarilgan taqdirda ham yangi shartnoma imzolashga rozi bo‘ladimi yoki yo‘qmi, aniq emas. Gap shundaki, futbolchi «Real» yoki unga qiziqish bildirgan Premyer-liga gigantlarida o‘ynash imkoniyati qo‘ldan chiqargisi kelmayapti, deb yozadi nemis matbuoti.