Сўнгги пайтларда «Бавария» яримҳимоячиси Корентин Толиссонинг ёзда Европа клубларидан бирига текинга ўтиши мумкинлиги ҳақида миш-мишлар тарқалди. Бироқ, кетма-кет муваффақиятсизликлардан сўнг мюнхенликлар яна бир бор футболчи билан янги шартнома имзолаш бўйича музокаралар олиб боришга ҳаракат қилади.
Бу ҳақда клуб бош директори Оливер Кан маълум қилди. Унга кўра, «Бавария» 27 ёшли яримҳимоячини ўзида сақлаб қолишдан манфаатдор.
Тўғри, ҳозирда Толиссонинг ўзи молиявий талаблар бажарилган тақдирда ҳам янги шартнома имзолашга рози бўладими ёки йўқми, аниқ эмас. Гап шундаки, футболчи «Реал» ёки унга қизиқиш билдирган Премьер-лига гигантларида ўйнаш имконияти қўлдан чиқаргиси келмаяпти, деб ёзади немис матбуоти.