Kamerun terma jamoasi Afrika Millatlar Kubogida uchinchi o‘rin uchun o‘yinda Burkina-Faso terma jamoasini mag‘lub etdi. Uchrashuv Yaunde shahrida (Kamerun) «Stade Ahmadu Axidjo» stadionda bo‘lib o‘tdi va penaltilar seriyasiga ko‘ra Kamerun g‘alaba qozondi.
49-daqiqagacha Burkina-Faso jamoasi 3:0 hisobida oldinda borayotgan edi. Biroq 71-daqiqada Stefan Baoken Kamerunning o‘yindagi dastlabki golini kiritgan bo‘lsa, 85 va 87-daqiqalarda zaxiradan maydonga tushgan Vensan Abubakar dubl qayd etdi.
Asosiy vaqt va ekstra taymlarda g‘olib nomi aniqlanmagach, penaltilar seriyasiga murojaat qilishdi va unda mezbonlar omadliroq chiqishdi. Shunday qilib, Kamerun 2022 yilgi Afrika kubogi bronza medalini qo‘lga kiritdi.
Burkina-Faso – Kamerun — 3:3 (2:0, 1:3, 0:0, 0:0), penaltilar bo‘yicha – 3:5
Gollar: 1:0 – 24 Yago, 2:0 – 43, avtogol Onana, 3:0 – 49 Uattara, 3:1 – 71 Baoken, 3:2 – 85 Abubakar, 3:3 – 87 Abubakar.
Burkina-Faso – Uedraogo (Savadogo, 90), Kabore, Tapsoba, Uattara, Yago, Ture, Sangare, Uedraogo, Traore (Bande, 87), Uattara (Konate, 90), Tapsoba (Traore, 87).
Kamerun – Onana, Mbayzo, Mukudi, Ongene, Oyongo, Kunde, Gvet (Abubakar, 46), Onana, Baoken, Bassogog (Toko-Ekambi, 54), Ganago (Ngamale, 46).
Penaltilar seriyasi: 1:0, 1:1, 2:1, 2:2, 3:2, 3:3, 3:4, 3:5.
Ogohlantirishlar: Baoken (48), Tapsoba (52), Uedraogo (68), Toko-Ekambi (68), Tapsoba (73).
&description=Kamerun%20terma%20jamoasi%20Afrika%20Millatlar%20Kubogida%20uchinchi%20o%26amp%3Blsquo%3Brin%20uchun%20o%26amp%3Blsquo%3Byinda%20Burkina-Faso%20terma%20jamoasini%20mag%26amp%3Blsquo%3Blub%20etdi&image=%2Fimages%2Fnews%2F%D0%B0%D0%B1%D0%BE.jpg&noparse=true){kind=link}