Камерун терма жамоаси Африка Миллатлар Кубогида учинчи ўрин учун ўйинда Буркина-Фасо терма жамоасини мағлуб этди. Учрашув Яунде шаҳрида (Камерун) «Стаде Аҳмаду Ахиджо» стадионда бўлиб ўтди ва пенальтилар сериясига кўра Камерун ғалаба қозонди. 

49-дақиқагача Буркина-Фасо жамоаси 3:0 ҳисобида олдинда бораётган эди. Бироқ 71-дақиқада Стефан Баокен Камеруннинг ўйиндаги дастлабки голини киритган бўлса, 85 ва 87-дақиқаларда захирадан майдонга тушган Венсан Абубакар дубл қайд этди.

Асосий вақт ва экстра таймларда ғолиб номи аниқланмагач, пенальтилар сериясига мурожаат қилишди ва унда мезбонлар омадлироқ чиқишди. Шундай қилиб, Камерун 2022 йилги Африка кубоги бронза медалини қўлга киритди.

Буркина-Фасо – Камерун — 3:3 (2:0, 1:3, 0:0, 0:0), пенальтилар бўйича – 3:5

Голлар: 1:0 – 24 Яго, 2:0 – 43, автогол Онана, 3:0 – 49 Уаттара, 3:1 – 71 Баокен, 3:2 – 85 Абубакар, 3:3 – 87 Абубакар.

Буркина-Фасо – Уэдраого (Савадого, 90), Каборе, Тапсоба, Уаттара, Яго, Туре, Сангаре, Уэдраого, Траоре (Банде, 87), Уаттара (Конате, 90), Тапсоба (Траоре, 87).

Камерун – Онана, Мбайзо, Мукуди, Онгене, Ойонго, Кунде, Гвет (Абубакар, 46), Онана, Баокен, Бассогог (Токо-Экамби, 54), Ганаго (Нгамале, 46).

Пенальтилар серияси: 1:0, 1:1, 2:1, 2:2, 3:2, 3:3, 3:4, 3:5.

Огоҳлантиришлар: Баокен (48), Тапсоба (52), Уэдраого (68), Токо-Экамби (68), Тапсоба (73).