«Tottenxem» hujumchisi Xarri Keyn Angliya kubogi 1/16 finali doirasidagi «Brayton»ga qarshi uchrashuv (3:1) natijalarini sarhisob qildi.
«Albatta, biz natijadan mamnunmiz va juda yaxshi o‘yin ko‘rsatdik. Ikkinchi bo‘limda o‘yinimizda biroz pasayish bo‘ldi, ammo uchinchi goldan keyin o‘yinni to‘liq nazorat qildik. Oldinda hali ko‘p o‘yin bor, bizni Premyer-liga va Kubok o‘yinlari ko‘plab qiyin uchrashuvlar kutib turibdi. Konte haqiqatan ham jamoani o‘zgartirdi. Biz maydonda ham, maydon tashqarisida ham qattiq ishlashda davom etishimiz kerak», - deya Keyn so‘zlarini keltiradi ITV4.
«Tottenxem» Angliya kubogining 1/8 finaliga chiqdi. «Shporlar»ning raqibi qur’adan keyin aniqlanadi.
