Brendan Rojers «Lester»ning «Nottingem Forest»ga 4:1 hisobida mag‘lub bo‘lganidan hafsalasi pir bo‘ldi. Chempionship klubi «tulkilar»ni Angliya kubogidan chiqarib yubordi. Rojers esa jamoa muxlislaridan uzr so‘radi.

“Futbolchilarimiz o‘zlariga ko‘zguda qarashlari va bu jamoada o‘ynash uchun yetarli ekanligini isbotlashlari kerak. Ko‘pchilik o‘yinchilarni yaxshilash kerak. Bu dahshatli ishtirok bo‘ldi. Muxlislardan uzr so‘rayman. Bizga jismoniy tomondan ustunlik kerak edi, lekin u bizda yetarli emas edi. Konsentrasiya yetishmadi. Xato qilganingizda muvozanat buziladi. Bu yerga kelganimdan beri birinchi marta «Lester»ning o‘yinidan juda xijolat bo‘ldim. Ko‘plab futbolchilar borki, ular hali ham «Lester»da o‘ynashga loyiq ekanliklarini mavsum yakuniga qadar isbotlashlari kerak, - dedi Rojers.