Madridning “Real” klubi yarim himoyachisi Marko Asensio jamoadoshi, fransiyalik markaziy hujumchi Karim Benzemaning muvaffaqiyatlarini yuqori baholadi.
"So‘nggi paytlarda Benzema ancha o‘sdi. Men uning evolyusiyasini olti yildan beri kuzataman. Karim hamma narsada yaxshilandi - gollar soni va golli uzatmalardan tortib, jamoadoshlar bilan muloqotgacha.
Uning misoli meni ilhomlantiradi. Karim faoliyatida qiyin davrlarni o‘tkazdi, ammo u kuchliroq bo‘lish uchun hamma narsani qildi", deya yarim himoyachining so‘zlarini keltiradi El Larguero.
34 yoshli forvard joriy mavsum chempionatning 21 o‘yinida 17 ta gol urdi va 7 ta golli uzatmani amalga oshirdi.
