"Liverpul" yulduzi Sadio Mane finaldagi penaltilar seriyasida ishtiroki haqida gapirdi. Senegallik hujumchi bu haqida shunday deydi:
"Men o‘yindagi penaltidan gol ura olmaganimda o‘zimni biroz yo‘qotib qo‘ydim. Shu payt jamoadoshlarim yonimga kelib menga shunday dedi: "Sadio, yutqazsak, birga yutqazamiz. G‘alaba ham hammamizniki bo‘ladi. Biz seni yaxshi bilamiz".
Bu gaplar meni kuchli bo‘lishga undadi va shu sabab ikkinchi penaltini olishga jur’at qildim. Sheriklarim menga ishonishini aytdi. Bu esa menga qo‘shimcha motivasiya berdi. Biz qo‘lga kiritgan sovrinda jamoaning har bir a’zosini haqqi bor. Chunki bunga hammaning mehnati singgan".
