"Ливерпуль" юлдузи Садио Мане финалдаги пенальтилар сериясида иштироки ҳақида гапирди. Сенегаллик ҳужумчи бу ҳақида шундай дейди:
"Мен ўйиндаги пенальтидан гол ура олмаганимда ўзимни бироз йўқотиб қўйдим. Шу пайт жамоадошларим ёнимга келиб менга шундай деди: "Садио, ютқазсак, бирга ютқазамиз. Ғалаба ҳам ҳаммамизники бўлади. Биз сени яхши биламиз".
Бу гаплар мени кучли бўлишга ундади ва шу сабаб иккинчи пенальтини олишга журъат қилдим. Шерикларим менга ишонишини айтди. Бу эса менга қўшимча мотивация берди. Биз қўлга киритган совринда жамоанинг ҳар бир аъзосини ҳаққи бор. Чунки бунга ҳамманинг меҳнати сингган".
