"Chelsi" himoyachisi Andreas Kristensen "Bavariya"ga o‘tishi mumkin. Nemis klubi vakillari va futbolchi bir nechta uchrashuvlar o‘tkazishdi, deb xabar beradi Bild.
25 yoshli daniyalikning "Chelsi" bilan shartnomasi yozgacha amal qiladi. London klubi himoyachiga to‘rt yillik shartnoma uzaytirishni taklif qilmoqda, biroq muzokaralar chog‘ida muammolarga duch keldi.
Futbolchi bonuslarni hisobga olgan holda yiliga 10-12 million yevro ishlab olmoqchi, londonliklarni bunday shartlar qoniqtirmayapti.
Kristensen joriy mavsum “Chelsi” safida 21 ta o‘yinda maydonga tushib, 2 ta gol urishga erishdi.
