"Челси" ҳимоячиси Андреас Кристенсен "Бавария"га ўтиши мумкин. Немис клуби вакиллари ва футболчи бир нечта учрашувлар ўтказишди, деб хабар беради Bild.
25 ёшли данияликнинг "Челси" билан шартномаси ёзгача амал қилади. Лондон клуби ҳимоячига тўрт йиллик шартнома узайтиришни таклиф қилмоқда, бироқ музокаралар чоғида муаммоларга дуч келди.
Футболчи бонусларни ҳисобга олган ҳолда йилига 10-12 миллион евро ишлаб олмоқчи, лондонликларни бундай шартлар қониқтирмаяпти.
Кристенсен жорий мавсум “Челси” сафида 21 та ўйинда майдонга тушиб, 2 та гол уришга эришди.
