Portugaliyalik taniqli murabbiy Andre Villash-Boash hozircha klublarda ishlamasligini aytdi.

"Murabbiy sifatida qanday rejalarim bor? Faoliyatimni davom ettirib, milliy terma jamoani boshqarishni xohlayman. Lekin bu yopiq, konservativ bozor va unda yaxshi variantni topish unchalik oson emas. So‘nggi paytlarda menga bir nechta takliflar bo‘ldi, lekin men qabul qilmadim.

2022 yilda Qatarda bo‘lib o‘tadigan Jahon chempionatiga ham bora olaman, deb o‘ylagandim. Bu terma jamoalar uchun eng yaxshi turnir. Darvoqe, avvalroq 15 yil shug‘ullanaman, keyin tugataman, deb reja qilgandim. Ammo hozir, bu kasbda 20 yil ishlaganimga qaramay, menda ishtiyoq saqlanib qolgan”, - deydi 44 yoshli mutaxassis.

Villash-Boash Rossiya terma jamoasiga taklif qilingani haqidagi mish-mishlarni ham inkor etdi.

Eslatib o‘tamiz, Villash-Boash "Zenit"ni 2014 yilning martidan 2016 yilning mayigacha boshqargan va jamoa bilan uchta sovrin yutgandi.