Португалиялик таниқли мураббий Андре Виллаш-Боаш ҳозирча клубларда ишламаслигини айтди.
"Мураббий сифатида қандай режаларим бор? Фаолиятимни давом эттириб, миллий терма жамоани бошқаришни хоҳлайман. Лекин бу ёпиқ, консерватив бозор ва унда яхши вариантни топиш унчалик осон эмас. Сўнгги пайтларда менга бир нечта таклифлар бўлди, лекин мен қабул қилмадим.
2022 йилда Қатарда бўлиб ўтадиган Жаҳон чемпионатига ҳам бора оламан, деб ўйлагандим. Бу терма жамоалар учун энг яхши турнир. Дарвоқе, аввалроқ 15 йил шуғулланаман, кейин тугатаман, деб режа қилгандим. Аммо ҳозир, бу касбда 20 йил ишлаганимга қарамай, менда иштиёқ сақланиб қолган”, - дейди 44 ёшли мутахассис.
Виллаш-Боаш Россия терма жамоасига таклиф қилингани ҳақидаги миш-мишларни ҳам инкор этди.
Эслатиб ўтамиз, Виллаш-Боаш "Зенит"ни 2014 йилнинг мартидан 2016 йилнинг майигача бошқарган ва жамоа билан учта соврин ютганди.
