Biroz oldin APL 25-turidan o‘rin olgan "Lester" hamda "Vest Xem" jamoalari o‘rtasidagi uchrashuv o‘z yakuniga yetdi. Mazkur bahsda jamoalar 2:2 hisobida durang qayd etdi.
Dastlab, 10-daqiqada Bouen hisobni ochdi. So‘ngra Tilemans va Pereyra tomonidan urilgan gollar evaziga "tulkilar" oldinga chiqib oldi. O‘yinning asosiy vaqtiga qo‘shib berilgan daqiqalarda Douson gol urib, muvozanatni tikladi.
Ayni vaqtda "bolg‘achilar" 41 ochko bilan APL turnir jadvalida 4-o‘rinni egallab turibdi. 27 ochkosi bor "Lester" 11-pog‘onadan joy olgan.
"Lester" – "Vest Xem" - 2:2 (1:1)
Gollar: Bouen, 10 - 0:1, Tilemans, 45 (s penalti) - 1:1, Rikardu Pereyra, 57 - 2:1, Douson, 90+1 - 2:2
"Lester": Shmeyxel, Rikardu Pereyra, Amarti, Seyundjyu, Djastin (Tomas, 31), Ndidi, Tilemans (Vestergor, 90), Dyuzberi-Xoll, Meddison (Lukman, 73), Barns, Daka.
"Vest Xem": Fabianski, Soufal (Frederiks, 67), Douson, Diop, Kressuell, Lansini (Benraxma, 79), Souchek, Rays, Fornals (Vlashich, 79), Antonio, Bouen.
