"Manchester Yunayted" Angliya chempionatining 25-turi doirasida bo‘lib o‘tgan "Sautgempton"ga qarshi o‘yinda g‘alabani qo‘ldan chiqardi (1:1). "MYU" so‘nggi 6ta uchrashuvning 4tasida birinchi bo‘limda oldinda borayotib, o‘yin so‘ngiga qadar g‘alabani qo‘ldan chiqarmoqda. Bu borada klub bosh murabbiyi Ralf Rangnik o‘z fikrini bildirib o‘tdi.

"Biz o‘tkazgan 13ta o‘yinning 11tasida birinchi bo‘limda oldinda bordik, so‘nggi 3ta o‘yinda esa durangga imzo chekdik. Bu futbolchilarning ruhiyatiga kuchli ta’sir ko‘rsatmoqda. Ular 2:0 yoki 3:0 hisobida oldinga o‘tib olish haqida o‘ylashmoqda, ammo yakunda qayd etilgan 1:1 hisobi futbolchilar ta’sir qilmoqda. Ikkinchi va uchinchi golni urib, o‘yin taqdirini hal qilib qo‘yishimiz uchun vaziyatlardan unumli foydalanishimiz zarur. Bu esa o‘yinchilarning o‘ziga bo‘lgan ishonchiga ta’sir ko‘rsatadi. Bunday holatda qilishim mumkin bo‘lgan yagona ish shuki, har bir futbolchi bilan yakkama-yakka gaplashib, ular vaziyatni tushuntirishim kerak.

Albatta, kelgusi mavsumda nima qilish kerakligini bilaman, ammo hozirda bu eng muhimi emas. Hozir esa ushbu tarkibga suyangan holda kerakli natijaga erishish", — dedi Rangnik.