Turinning “Yuventus” klubi “Jenoa” himoyachisi Andrea Kambyasoni o‘z safiga qo‘shib olmoqchi, deya xabar beradi Calciomercato.

Manbaga ko‘ra, turinliklar avvalroq "Jenoa" bilan kelishuvga erishmoqchi bo‘lgan, biroq genuyaliklar rad javobini bergan. Endi klub B seriyaga tushib ketish arafasida turibdi, bu esa Kambyasoning fikrini o‘zgartirishi mumkin.

Futbolchi “Yuventus»”ga 10-12 million yevroga tushishi mumkin. Joriy mavsumda Andrea Italiya chempionatida 23 ta o‘yin o‘tkazib, 1 ta gol urishga muvaffaq bo‘ldi.