Londonning "Tottenxem" klubi sobiq futbolchisi Vilyam Gallasning fikricha, klub shu yilning o‘zida Garri Keynni sotib yuborishi kerak. Angliya terma jamoasi hujumchisi so‘nggi paytlarda gollar sonini oshirgan bo‘lsada, bu yilgi mavsumni ko‘ngildagidek o‘tkaza olmayapti.
"Men mavsum boshida "Tottenxem" uni sotib yuborishi kerak deb aytgandim. Garri ketishni xohlagandi va jamoada qolganidan xafa bo‘lgandi. Qachonki klub rahbariyatining qaroridan xafa bo‘lsangiz, oldindingi ikkita variant turadi: yoki to‘g‘ri o‘ynash yoki taslim bo‘lish. Ayni paytda Keyn o‘z o‘yinini namoyish eta olmayapti" - dedi Gallas The Sun bilan intervyuda.
