«Arsenal» hujumchisi Aleksandr Lyakazett faoliyatini Italiyada davom ettirishi mumkin. Insayder Nikolo Skiraning so‘zlariga ko‘ra, futbolchining agentlari A seriyaning ikkita top-klubi bilan muzokara olib bormoqda.
Lyakazettning agenti «Yuventus» va «Inter» vakillari bilan bog‘landi. Hozircha ular hech qaysi jamoadan tayinli javob olmadi. Qolaversa, Fransiyaning «Lion» klubi ham hujumchi uchun da’vogar hisoblanadi.
Eslatib o‘tamiz, avvalroq «Arsenal» «Inter» hujumchisi Lautaro Martinesni o‘z safiga qo‘shib olmoqchiligi aytilgandi.
