«Real» klubi va Belgiya terma jamoasi darvozaboni Tibo Kurtuaning agenti Kristof Anrot fransiyalik hujumchi Kilian Mbappening «qirollik klubi»ga o‘tishida katta rol o‘ynashi mumkin, deya xabar beradi insayder Mario Kortegan.
Manbaga ko‘ra, u Mbappelar oilasi va «Real» bilan juda yaqin munosabatda. Mbappe transferida Kristof eng taniqli ishtirokchilaridan biri hisoblanadi.
Shuningdek, Mbappening advokati va maslahatchisi Verxeydenning ishonchi komilki, agar futbolchi «Real» libosini kiysa, Kilianning brendi keskin o‘sishi mumkin.
Eslatib o‘tamiz, hujumchining «PSJ» bilan shartnomasi joriy mavsum oxirida yakuniga yetadi.
