«Реал» клуби ва Бельгия терма жамоаси дарвозабони Тибо Куртуанинг агенти Кристоф Анрот франциялик ҳужумчи Килиан Мбаппенинг «қироллик клуби»га ўтишида катта роль ўйнаши мумкин, дея хабар беради инсайдер Марио Кортеган.
Манбага кўра, у Мбаппелар оиласи ва «Реал» билан жуда яқин муносабатда. Мбаппе трансферида Кристоф энг таниқли иштирокчиларидан бири ҳисобланади.
Шунингдек, Мбаппенинг адвокати ва маслаҳатчиси Верхейденнинг ишончи комилки, агар футболчи «Реал» либосини кийса, Килианнинг бренди кескин ўсиши мумкин.
Эслатиб ўтамиз, ҳужумчининг «ПСЖ» билан шартномаси жорий мавсум охирида якунига етади.
