“Qo‘qon-1912” jamoasi, bosh murabbiy Baxtiyor Ashurmatov tasdiqlagan reja bo‘yicha yangi mavsumga tayyorgarlikni olib bormoqda.
Rejaga ko‘ra jamoa a’zolari bugundan Qo‘qon shahrida yig‘ilib mavsumga tayyorgarlikning so‘nggi bosqichini boshladilar. So‘nggi bosqichga kelib jamoa tarkibi to‘liq shakllangan va deyarli barcha futbolchilar sog‘-salomat so‘nggi bosqich mashg‘ulotlariga yetib kelishdi. Birgina hujumchi Xamiddillo Abduxamidov jarohatini davolatish bilan band bo‘lib turibdi.
Avval xabar berganimizdek “shunqorlar” Superliga-2022 musobaqasining 1-tur uchrashuvini Farg‘onaning “Neftchi” jamoasiga qarshi o‘tkazadilar. “Neftchi” mezbonligida bo‘lib o‘tadigan ushbu bahs, 2 mart kuni soat 18:30 da, Yaypandagi “O‘zbekiston” stadionida bo‘lib o‘tadi.
