"Olimpik" bosh murabbiyi Timur Kapadze “Aral Samali”ga (2:0) qarshi uchrashuvdan so‘ng mavsumga tayyorgarlik va seleksiya ishlari haqida fikr bildirdi.
"Turkiyadan qaytganimizdan so‘ng Toshkentda tayyorgarlikni davom ettirdik. Bir hafta ichida to‘rtta nazorat uchrashuvida maydonga tushdik. Ikkita tarkibga ham o‘ynashga imkon berdik. O‘ylaymanki, yaxshi tayyorgarlik ko‘rdik. Mavsum boshlanishiga oz vaqt qoldi va unga tayyorgarlik olib borishda davom etamiz. Nazorat uchrashuvlarida yaxshi harakat qilishdi deb o‘ylayman. Umuman olganda, har bir futbolchining sog‘lig‘i va tayyorgarligi ancha yaxshi holatda. Mavsum boshlanishga bir hafta qoldi va qolgan kunlarda ham tinmay mashg‘ulot olib borishda davom etamiz. Birinchi turga qadar tayyor bo‘lamiz deb o‘ylayman",-dedi Timur Kapadze.
Mavsum oldi tayyorgarliklardan qanchalik ko‘nglingiz to‘ldi?
Manimcha, yaxshi bo‘ldi. Turkiyada va bu yerda tayyorgarlikdan ko‘nglim to‘ldi. Bu yerda ozgina kamchiliklar bor, lekin ular ham yaqin orada hal bo‘ladi. Biroq bu kamchiliklar tayyorgarliklarimizga qattiq ta’sir qildi deb o‘ylamayman. O‘ylaymanki, hammasi yaxshi bo‘ladi. Endi barchasini mavsumdagi o‘yinlarimiz ko‘rsatadi. Tayyorgarliklarda asosan jismoniy holatni yaxshilashga e’tibor berdik. Shuningdek, taktik tayyorgarliklar ham yaxshi bo‘ldi.
Seleksiya ishlaridan ko‘nglingiz to‘ldimi?
- O‘tgan mavsumdagi jamoamizning asosini saqlab qoldik. Keyin bir nechta o‘zimga kerak bo‘lgan futbolchilarni ham qo‘shib olishga erishdik. Yangi futbolchilardan ko‘nglim to‘ldi. Bu yil bizda bir nechta turnirlar bor va ularni yaxshiroq shaklantirish uchun o‘zimiz safimizga qo‘shib oldik. Ular endi bizni jamoada harakat qilishadi. Umuman olganda, bizda teng kuchli ikkita tarkib bor. O‘ylaymanki, chempionat bu yil ancha qiziq bo‘ladi.
