Toshkentda davom etayotgan qilichbozlik bo‘yicha o‘smirlar va yoshlar o‘rtasidagi Osiyo chempionatida navbatdagi kun dasturlari ortda qoldi. Unda o‘smirlar toifasida jamoaviy yo‘nalishda g‘oliblar aniqlandi.
Ahamiyatlisi, o‘tkazilgan 3 yo‘nalishning barchasida vakillarimiz final yo‘llanmasini qo‘lga kiritishdi. Finalda eronlik raqiblarini 45:32 hisobida mag‘lubiyatga uchratgan sablyachi yigitlarimiz qit’ada tengsiz ekanliklarini namoyish etdilar. Shpaga bo‘yicha yigitlar, rapira bo‘yicha qizlar dasturidagi final bahslarida omad raqiblar tomonida bo‘ldi va jamoamiz hisobiga ushbu yo‘nalishlardan kumush medallar yozib qo‘yildi.
Sablya, yigitlar:
1. O‘zbekiston
2. Eron
3. Qozog‘iston
3. Quvayt
Shpaga, yigitlar:
1. Qozog‘iston
2. O‘zbekiston
3. Hindiston
3. Qatar
Rapira, qizlar:
1. Gonkong
2. O‘zbekiston
3. Qozog‘iston
3. Hindiston
