O‘zbekiston Superkubogi finalidan o‘rin olgan "Paxtakor" - "Nasaf" uchrashuviga oid (1:0) qiziqarli ma’lumotlar bilan tanishing.
1. Yaypanda o‘tkazilgan uchrashuvni tomosha qilish uchun "O‘zbekiston" o‘yingohiga 7 215 nafar muxlis tashrif buyurdi.
2. Slavche Voyneski Superkubok bahsida ishlagan 2-xorijlik murabbiyga aylandi (Piter Xyuistradan keyin).
3. Ro‘ziqul Berdiyev O‘zbekiston Superkuboklarida qatnashish bo‘yicha murabbiylar rekordini yangiladi (3-marta).
4. Dragan Cheran ikkita Superkubok bahsida gol urgan tarixdagi 2-futbolchiga aylandi (Temurxo‘ja Abduxoliqovdan keyin).
5. Akobirxo‘ja Shukurulayev Superkubok bahslarini boshqargan 5-referiga aylandi.
6. 1:0 - Superkuboklar tarixida eng ko‘p qayd etilgan hisob bo‘ldi (3-marta).
7. Tarixda birinchi marta Superkubok bahsida VAR tizimidan foydalanildi.
