«Barselona» yarim himoyachisi Gavining agenti o‘tgan hafta «Real Madrid» ofisida ko‘rinish berdi, deb xabar berdi Marca 28 fevral kuni.

Manbaga ko‘ra, 17 yoshli ispaniyalik futbolchi Kataloniya klubi bilan 2023 yilning 30 iyunida tugaydigan shartnomasini uzaytirmoqchi emas.

Yarim himoyachi joriy mavsumda «Barselona» safida 31 o‘yinda maydonga tushib, 2 ta gol va 4 ta golli uzatmani amalga oshirdi. Transfermarkt portali uning narxini 40 million yevroga baholamoqda.

Ma’lumot o‘rnida, Gavi kataloniyaliklar tarbiyalanuvchisi hisoblanadi.