«Bavariya»ning polshalik hujumchisi Robert Levandovski mavsum oxirida nemis klubini tark etishi mumkin. Bu haqda todofichajes nashri xabar bermoqda.

«Bavariya» futbolchini o‘z safida olib qolishdan manfaatdor, lekin Robert karyerasida yangi sahifa ochish uchun «nemis mashinasi» safini tark etish haqida o‘ylamoqda.

Germaniya nashrlari xabariga ko‘ra, Levandovskining o‘zi «Real Madrid»ga o‘tishni xohlaydi, ammo madridliklarning yozdagi asosiy e’tibori Xoland va Mbappeni sotib olishga qaratilgan.

Italiya nashrlarining ta’kidlashicha, Robertni o‘z safiga qo‘shib olish uchun yana bir da’vogar bor — «Inter».

A seriya klubi yozda jamoani tark etishi mumkin bo‘lgan Lautaro Martines va Aleksis Sanchesga o‘rinbosar qidirmoqda, polshalik futbolchi esa ular uchun asosiy nomzod bo‘lib turibdi.

Manbaga ko‘ra, agar futbolchi jamoadan ketishni istasa, «Bavariya» so‘nggi o‘n yillikdagi eng yaxshi hujumchisi uchun 60 million yevro so‘raydi.