«Ayaks» yarim himoyachisi Rayan Gravenberx «Bavariya»ga o‘tishga qaror qildi. Bu haqda De Telegraaf nashri xabar bermoqda. Futbolchining transferi joriy mavsum oxirida e’lon qilinadi.
«Bavariya» 19 yoshli golland uchun kamida 35 million yevro to‘lashi kerak. Futbolchining xizmatlariga «Barselona» ham qiziqish bildirmoqda, biroq Gravenberx faoliyatini Bundesligada davom ettirishni afzal ko‘rmoqda.
Gravenberx joriy mavsumda 32 ta o‘yinda maydonga tushib, 1 ta gol va 4 ta golli uzatmani amalga oshirdi.
