Belgiyaning «Bryugge» klubi hujumchisi Noa Lang faoliyatini Londonning «Arsenal» klubida davom ettirishi mumkin.

22 yoshli vingerning ehtimoliy transfer summasi taxminan 40 million yevroni tashkil qilishi mumkin. Calciomercato Belgiyadagi manbalariga tayanib xabar berishicha, «kanonirlar» «Bryugge»ning transfer talablarini qondirishga tayyor.

Noa Lang o‘tgan yozda «Ayaks»dan «Bryugge»ga 6 million yevro evaziga o‘tgan va 2025 yilgacha shartnoma imzolagan. Joriy mavsumda gollandiyalik futbolchi barcha turnirlar doirasida 37 ta o‘yinda 8 ta gol urdi va 12 ta golli uzatmani amalga oshirdi. Shuningdek, Gollandiya terma jamoasi tarkibida uch marta maydonga tushdi.