Бельгиянинг «Брюгге» клуби ҳужумчиси Ноа Ланг фаолиятини Лондоннинг «Арсенал» клубида давом эттириши мумкин.
22 ёшли вингернинг эҳтимолий трансфер суммаси тахминан 40 миллион еврони ташкил қилиши мумкин. Calciomercato Бельгиядаги манбаларига таяниб хабар беришича, «канонирлар» «Брюгге»нинг трансфер талабларини қондиришга тайёр.
Ноа Ланг ўтган ёзда «Аякс»дан «Брюгге»га 6 миллион евро эвазига ўтган ва 2025 йилгача шартнома имзолаган. Жорий мавсумда голландиялик футболчи барча турнирлар доирасида 37 та ўйинда 8 та гол урди ва 12 та голли узатмани амалга оширди. Шунингдек, Голландия терма жамоаси таркибида уч марта майдонга тушди.
