Antonio Konte «Tottenxem»ning muammolarini qisqa vaqt ichida hal qilib bo‘lmaydi, deb hisoblaydi.

- «Midlsbro»ga mag‘lub bo‘lganingizdan keyin kamroq jahlingiz chiqqanga o‘xshadi. Ba’zi muxlislar sizning munosabatingizdan xavotirda edilar. Yozda bu yerda qilish kerak bo‘lgan ish haqida nima deb o‘ylaysiz?

- Natijadan hafsalam pir bo‘ldi va xafa bo‘ldim. Bizda ko‘tarilishlar va pasayishlar borligi menga yoqmaydi. «Tottenxem» tarixi shunaqa: yuksalishlar va pasayishlar.

Raqobatbardosh bo‘lish, biror narsada g‘alaba qozonish, muhim narsa uchun kurashish, kuchli jamoaga aylanish uchun birinchi navbatda izchil natijalarni ko‘rsatish hamda bu ko‘tarilish va pasayishlardan qochish kerak.

Buni amalga oshirish va «Tottenxem»da ko‘p yillar davomida sodir bo‘layotgan vaziyatni o‘zgartirish oson emas.

Buni qisqa vaqt ichida amalga oshirish mumkin emas. Nafaqat men, balki har qanday menejer yoki murabbiy uchun ham oson emas.

Ayniqsa, bu klubda holat 20 yildan beri shundaybu. Ba’zan xafa bo‘lishga to‘g‘ri keladi. O‘ylaymanki, mag‘lubiyatga uchraganimizdan keyin jahl qilish normal holat. Mag‘lubiyatga uchraganimizda g‘azablanish boshqa, munosabatimiz va his-tuyg‘ularimiz haqida gapirish boshqa narsa. Bu ikki xil holat.

Bunday vaziyatga tushib qolmaslik uchun har safar matbuot anjumanlarida o‘zimni bir xil tutishga harakat qilaman.

Menimcha, hammasi joyida. Gohida jahlingiz chiqsa, gohida vaziyatga boshqacha qarashingiz mumkin, - dedi "shporlar" ustozi.