Londonning «Chelsi» klubi sobiq bosh murabbiyi Antonio Konte Roman Abramovichning ingliz klubini sotish qaroriga izoh berdi.
“Bu g‘alati ko‘rinadi. U ko‘p yillar davomida klub egasi bo‘lgan, klubning ko‘plab sovrinlarni qo‘lga kiritishiga, Chempionlar ligasini yutishiga yordam bergan. Bu «Chelsi» tarixida alohida davr bo‘ldi. Ochig‘i, bu klub muxlislari uchun eng ijobiy yangilik emas. Abramovich «Chelsi» rivoji, uning jahon miqyosidagi shon-shuhrati uchun ko‘p ish qildi», - dedi Konte Football.London nashriga.