«Manchester Siti» 2018 yildan beri ilk bor o‘z maydonida «Manchester Yunayted»ni 4:1 hisobida mag‘lub etdi.
Bungacha «Siti» «Etihad» stadionida «Manchester Yunayted»ga ketma-ket uch marta mag‘lub bo‘lgandi. Ikki marta Premyer-liga o‘yinlarida (1:2 va 0:2), bir marta Angliya Liga kubogida (0:1).
«Manchester Siti» oxirgi marta 2018 yil 11 noyabr kuni o‘z maydonida «Manchester Yunayted»ni mag‘lub etgandi – 3:1.
«Yunayted»ga qarshi o‘yin «shaharliklar» yarim himoyachisi Kevin de Bryuyne va Riyad Mahrez dubl qayd etgan bo‘lsa, «qizil iblislar» safidan Jeydon Sancho bitta gol urdi.