«Liverpul» hujumchisi Muhammad Saloh APL va Chempionlar ligasida g‘alaba uchun kurashishga va’da berdi.
Uning jamoasi Chempionlar ligasining 1/8 finalida «Inter»ga o‘z maydonida 0:1 hisobida mag‘lubiyatga uchraganiga qaramay, umumiy hisobga (2:1) ko‘ra keyingi bosqichga yo‘l oldi.
"Qiyin raqib. Mehmonda g‘alaba qozona oldik, eng muhimi chorak finalga chiqdik. Mening ikki zarbamni darvoza ustuni qaytardi, lekin buning hech qanday yomon joyi yo‘q. Balki keyingi o‘yinda xet-trik qilarman. Biz mag‘lub bo‘ldik va bu bizga kerakli turtki berishi va yaxshi saboq bo‘lishi mumkin.
Hamma Chempionlar ligasi va Premyer-ligada g‘alaba qozonishni xohlaydi. Biz ikkala sovrin uchun kurashamiz va nima bo‘lishini ko‘ramiz», - dedi Saloh BT Sport nashriga.
