«Ливерпуль» ҳужумчиси Муҳаммад Салоҳ АПЛ ва Чемпионлар лигасида ғалаба учун курашишга ваъда берди.
Унинг жамоаси Чемпионлар лигасининг 1/8 финалида «Интер»га ўз майдонида 0:1 ҳисобида мағлубиятга учраганига қарамай, умумий ҳисобга (2:1) кўра кейинги босқичга йўл олди.
"Қийин рақиб. Меҳмонда ғалаба қозона олдик, энг муҳими чорак финалга чиқдик. Менинг икки зарбамни дарвоза устуни қайтарди, лекин бунинг ҳеч қандай ёмон жойи йўқ. Балки кейинги ўйинда хет-трик қиларман. Биз мағлуб бўлдик ва бу бизга керакли туртки бериши ва яхши сабоқ бўлиши мумкин.
Ҳамма Чемпионлар лигаси ва Премьер-лигада ғалаба қозонишни хоҳлайди. Биз иккала соврин учун курашамиз ва нима бўлишини кўрамиз», - деди Салоҳ BT Sport нашрига.
