"Yuventus" yarim himoyachisi Federiko Bernardeski klub bilan shartnomasini uzaytirmoqchi.

Goal xabariga ko‘ra, futbolchi jamoada qolishga umid qilmoqda va 2022 yilning yozida tugaydigan shartnomani uzaytirish bo‘yicha muzokaralar olib borilmoqda.

Manba bergan xabarga ko‘ra, 28 yoshli yarim himoyachining asosiy maqsadi "Yuve"da qolish va yozda jamoadan ketmaslik.

Avvalroq, jurnalist Nikolo Skira Turin klubi Bernardeskiga maoshi 30 foizga qisqartirilgan yangi uch yillik shartnoma taklif qilgani, bu futbolchiga ma’qul kelmagani haqida xabar bergandi.

2021/22 yilgi mavsumda italiyalik qanot vingeri “Yuventus” safida 24 ta o‘yinda maydonga tushib, 1 ta gol va 6 ta golli uzatmaga mualliflik qilgan.