Hujumchi Paulo Dibalaning agenti va «Yuventus» rahbariyati o‘rtasidagi uchrashuv qoldirildi.

Gazzetta dello Sport nashri xabariga ko‘ra, muzokaralar 2021/22 yilgi mavsum oxirigacha qoldirilgan, bu esa har ikki tomon ham hamkorlikni davom ettirishdan manfaatdor emasligini bildiradi.

Manbaga ko‘ra, payshanba kungi yig‘ilishda «Yuventus» Dibalaning yangi shartnomasida 1 mavsum uchun 7 million yevro va bonuslar bilan taqdim etish niyatida ekanligini bildirgan.

28 yoshli hujumchi Italiya jamoasida 2015 yilning iyul oyidan buyon o‘ynamoqda, argentinalikning klub bilan shartnomasi 2022 yilning iyun oyi oxirigacha amal qiladi.

2021/22 yilgi mavsumda Dibala «Yuventus» safida 27 ta o‘yinda maydonga tushib, 12 ta gol va 6 ta golli uzatmani amalga oshirgan.