Karim Benzema YECHL 1/8 finalida "PSJ" ustidan qozonilgan g‘alabadan so‘ng o‘z his-tuyg‘ulari bilan o‘rtoqlashdi.
«Biz buni muxlislarga ko‘rsatishimiz kerak edi. Bu g‘alaba ular uchun. «PSJ» ajoyib jamoa, ammo biz g‘alaba qozonishga haqli edik.
Birinchi o‘yinda mag‘lub bo‘ldik, tanaffusgacha yutqazayotgandik... Juda qiyin bo‘ldi, ammo bu Chempionlar ligasi o‘yini.
Kambek - bu ruhiy kuch masalasi. Birinchi golda Donnarummaning xatosi emas, bu bizning pressingimiz edi. Qachonki biz pressing uyushtirsak, har kimni mag‘lub eta olamiz.
Biz uchun har bir o‘yin final, bugun hamma "Real"ning tirikligini ko‘rdi. Men afsonaviy Di Stefanodan o‘zib ketganimdan juda faxrlanaman», - dedi Benzema.
