UYEFA prezidenti Aleksander Cheferin Rossiya futboliga qo‘llanilgan sanksiyalar haqida fikr bildirdi.

Avvalroq FIFA va UYEFA Rossiya terma jamoasini va klublarini Halqaro musobaqalardan chiqarib yuborgandi.

– UYEFA YECHL finalini Sankt-Peterburg shahridan olib qo‘ydi. Siz Ukrainaliklarga qanday yordam beryapsiz?

– Biz Rossiyaga qarshi sport sanksiyalarini qo‘lladik va ukrainalik qochqinlarga bir million yevrodan ko‘proq moliyavoy yordam ko‘rsatdik.

– UYEFAning Putin bilan munosabatlari qanday?

– Avval hammasi juda yaxshi edi, u uchrashuvlarga yaxshi tayyorgarlik ko‘rar edi. Men uni futbol muxlisi deb o‘ylamayman, unga sportning boshqa turlari ko‘proq yoqadi.

– Sizningcha, Rossiya klublari va sportchilari musobaqalardan chetlatilishi to‘g‘rimi?

– Bu siyosiy emas, gumanitar inqiroz. Sportchilarning jazolanishidan yuragim siqiladi: bularning barchasini ular xohlashmadi, bu qarorni ular qabul qilishmadi. Lekin biz tinchlik yo‘lida birdamlikni ko‘rsatishimiz kerak, – dedi Aleksander Cheferin.