УЕФА президенти Александер Чеферин Россия футболига қўлланилган санкциялар ҳақида фикр билдирди.
Аввалроқ ФИФА ва УЕФА Россия терма жамоасини ва клубларини Ҳалқаро мусобақалардан чиқариб юборганди.
– УЕФА ЕЧЛ финалини Санкт-Петербург шаҳридан олиб қўйди. Сиз Украиналикларга қандай ёрдам беряпсиз?
– Биз Россияга қарши спорт санкцияларини қўлладик ва украиналик қочқинларга бир миллион евродан кўпроқ молиявой ёрдам кўрсатдик.
– УЕФАнинг Путин билан муносабатлари қандай?
– Аввал ҳаммаси жуда яхши эди, у учрашувларга яхши тайёргарлик кўрар эди. Мен уни футбол мухлиси деб ўйламайман, унга спортнинг бошқа турлари кўпроқ ёқади.
– Сизнингча, Россия клублари ва спортчилари мусобақалардан четлатилиши тўғрими?
– Бу сиёсий эмас, гуманитар инқироз. Спортчиларнинг жазоланишидан юрагим сиқилади: буларнинг барчасини улар хоҳлашмади, бу қарорни улар қабул қилишмади. Лекин биз тинчлик йўлида бирдамликни кўрсатишимиз керак, – деди Александер Чеферин.
