CIES Football Observatory (Xalqaro sport tadqiqotlari markazi) eng serdaromad futbol akademiyalari reytingini e’lon qildi. Bunda guruh ekspertlari 15-21 yoshli payti klub akademiyasida kamida 3 mavsum shug‘ullangan futbolchilarga e’tibor qaratishgan. Yanada aniqrog‘i, shu davrda tarbiyalanuvchilar transferidan tushgan daromadni hisobga olishgan.
Hisob-kitoblarga muvofiq, akademiya mahsuldorligi bo‘yicha «Benfika» mutlaq yetakchi. Lissabon klubi o‘z tarbiyalanuvchilari transferidan jami 379 million yevro topgan. «Benfika»ning eng qimmatbaho tarbiyalanuvchisi - Joau Felish. Portugaliya jamoasi shu birgina futbolchi transferidan 120 million yevro olgan. «Real» akademiyasi mahsuli ham chakki emas - 330 mln. yevro. Bu summada Alvaro Morataning ulushi katta. «Monako» esa Kilian Mbappe transferi hisobiga kuchli uchlikda. Diqqat qiling, Fransiya jamoasi akademiyasi keltirgan 285 million yevrodan naq 63 foizi Kilianning «PSJ»ga sotilishidan tushgan.
Fakt. E’tiborlisi, akademiyalar ulushi bo‘yicha kuchli 10ta klubning 3tasi Yevropaning 5ta elit ligasidan tashqarida. Bular - «Benfika» (1-o‘rin), «Ayaks» (4-o‘rin) va «Sporting» (9-o‘rin).
Akademiya tarbiyalanuvchilari transferidan eng ko‘p topgan klublar (top-10)
|
№ |
Klub (mamlakat) |
Summa |
Eng qimmatbaho tarbiyalanuvchi |
|
1 |
«Benfika» (Portugaliya) |
379 |
Joau Felish |
|
2 |
«Real» (Ispaniya) |
330 |
Alvaro Morata |
|
3 |
«Monako» (Fransiya) |
285 |
Kilian Mbappe |
|
4 |
«Ayaks» (Niderlandiya) |
283 |
Matteys de Ligt |
|
5 |
«Lion (Fransiya) |
270 |
Aleksandr Lakazett |
|
6 |
«Bayer» (Germaniya) |
213 |
Kay Xavers |
|
7 |
«Atalanta» (Italiya) |
211 |
Amad Diallo |
|
8 |
«Chelsi» (Angliya) |
210 |
Temmi Abraxam |
|
9 |
«Sporting» (Portugaliya) |
209 |
Joau Mariu |
|
10 |
«Liverpul» (Angliya) |
171 |
Rahim Sterling |
Izoh: summalar million yevro hisobida.
