CIES Football Observatory (Халқаро спорт тадқиқотлари маркази) энг сердаромад футбол академиялари рейтингини эълон қилди. Бунда гуруҳ экспертлари 15-21 ёшли пайти клуб академиясида камида 3 мавсум шуғулланган футболчиларга эътибор қаратишган. Янада аниқроғи, шу даврда тарбияланувчилар трансферидан тушган даромадни ҳисобга олишган.
Ҳисоб-китобларга мувофиқ, академия маҳсулдорлиги бўйича «Бенфика» мутлақ етакчи. Лиссабон клуби ўз тарбияланувчилари трансферидан жами 379 миллион евро топган. «Бенфика»нинг энг қимматбаҳо тарбияланувчиси - Жоау Фелиш. Португалия жамоаси шу биргина футболчи трансферидан 120 миллион евро олган. «Реал» академияси маҳсули ҳам чакки эмас - 330 млн. евро. Бу суммада Альваро Моратанинг улуши катта. «Монако» эса Килиан Мбаппе трансфери ҳисобига кучли учликда. Диққат қилинг, Франция жамоаси академияси келтирган 285 миллион евродан нақ 63 фоизи Килианнинг «ПСЖ»га сотилишидан тушган.
Факт. Эътиборлиси, академиялар улуши бўйича кучли 10та клубнинг 3таси Европанинг 5та элит лигасидан ташқарида. Булар - «Бенфика» (1-ўрин), «Аякс» (4-ўрин) ва «Спортинг» (9-ўрин).
Академия тарбияланувчилари трансферидан энг кўп топган клублар (топ-10)
|
№ |
Клуб (мамлакат) |
Сумма |
Энг қимматбаҳо тарбияланувчи |
|
1 |
«Бенфика» (Португалия) |
379 |
Жоау Фелиш |
|
2 |
«Реал» (Испания) |
330 |
Альваро Мората |
|
3 |
«Монако» (Франция) |
285 |
Килиан Мбаппе |
|
4 |
«Аякс» (Нидерландия) |
283 |
Маттейс де Лигт |
|
5 |
«Лион (Франция) |
270 |
Александр Лаказетт |
|
6 |
«Байер» (Германия) |
213 |
Кай Хаверц |
|
7 |
«Аталанта» (Италия) |
211 |
Амад Диалло |
|
8 |
«Челси» (Англия) |
210 |
Тэмми Абрахам |
|
9 |
«Спортинг» (Португалия) |
209 |
Жоау Мариу |
|
10 |
«Ливерпуль» (Англия) |
171 |
Раҳим Стерлинг |
Изоҳ: суммалар миллион евро ҳисобида.
