Kataloniyaning "Barselona" ayollar jamoasi chempionatning 24-tur doirasida "Real" (5:0) qizlarini yirik hisobda mag‘lubiyatga uchratdi.

Shu tariqa, kataloniyalik qizlar muddatdan oldin chempionlikni qo‘lga kiritishdi. "Barselona" ayollar jamoasi ortda qolgan 24 ta o‘yinda raqiblar darvozasiga jami bo‘lib 136 ta gol urib, o‘z darvozalaridan 6 ta gol o‘tkazib yubordi. Chempionat tugashiga yana 6 ta tur bor.

"Barselona" ayollar jamoasi ketma-ket uchinchi marta Ispaniya chempionligini qo‘lga kiritmoqda. Jamoa jami bo‘lib yetti marta chempion bo‘lgan va bu borada rekordchi sanaladi.