Iordaniyaning Amman shahrida o‘tkazilgan boks bo‘yicha 19 yoshgacha bo‘lgan qizlar va yigitlar o‘rtasidagi Osiyo chempionati yakuniga yetdi. Bugun kunning ikkinchi yarmida erkaklar 13ta vaznda final janglarini o‘tkazishdi.

Oltin medal uchun ringga ko‘tarilgan 10 nafar bokschimizdan 7 nafari g‘alaba qozonib, qit’a chempioniga aylanishdi. O‘zbekiston va Qozog‘iston bokschilarining final to‘qnashuvlarida esa vakillarimiz 5:2 hisobida ustunlikka erishishdi.

O‘zbekistonlik yoshlarning final janglari natijalari:

51 kg. Xo‘janazar Nortojiyev (O‘zbekiston) — Almat Abduali (Qozog‘iston) - 5:0
54 kg. Abduvali Bo‘riboyev (O‘zbekiston) — Eljay Mabelin Pamisa (Filippin) - 5:0
57 kg. Baxtiyor Asadov (O‘zbekiston) — Aqjol Asilbek o‘g‘li (Qirg‘iziston) - 5:0
63.5 kg. Javohir Ummataliyev (O‘zbekiston) — Vanshay (Hindiston) - 0:5
67 kg. Fazliddin Erkinboyev (O‘zbekiston) — Islam Sovetov (Qozog‘iston) - 5:0
71 kg. Alisher Ayubov (O‘zbekiston) — Yegor Yegorov (Qozog‘iston) - 0:5
75 kg. Rahmatullo Boymatov (O‘zbekiston) — Daulet Tulemisov (Qozog‘iston) - 4:1
80 kg. Abdulaziz Abdurahmonov (O‘zbekiston) — Sultanbek Aybaruli (Qozog‘iston) - 5:0
86 kg. Jamoliddin Qozoqov (O‘zbekiston) —  Temirlan Mukatayev (Qozog‘iston) - 1-raundda texnik nokaut (mag‘lubiyat)
92 kg. Aynazar Kenesbayev (O‘zbekiston) — Yerdos Sharipbek (Qozog‘iston) - 5:0