Qanot vingeri Samu Kastilyexo yozgi transfer oynasida "Milan"ni tark etishi mumkin, deya xabar bermoqda jurnalist Nikolo Skira o‘zining Twitter sahifasida.
“Rossonerilar” kelasi yozda shartnomasi tugaydigan 27 yoshli futbolchi bilan shartnomani uzaytirishdan manfaatdor emas. Ikki klub allaqachon futbolchining transferi bo‘yicha "Milan"ga so‘rov yuborgan.
Eslatib o‘tamiz, o‘tgan yozda Kastilyexoga Moskvaning SSKA klubi qiziqish bildirgan, biroq tomonlar transfer shartlari bo‘yicha kelisha olmagandi.
Ma’lumot uchun, futbolchi "Milan" libosida barcha musobaqalarda jami 113 ta o‘yinda maydonga tushib, 10 ta gol urgan va 15 ta golga assistentlik qilgan.
