"Vulverxempton" yarim himoyachisi Ruben Nevesh faoliyatini ispan grandida davom ettirishi mumkin.

Mundo Deportivo nashrining ma’lumotiga ko‘ra, portugaliyalik futbolchining agenti Jorje Mendesh yarim himoyachini kataloniyaliklarga taklif qilgan. Laporta hali bu borada aniq javob bergani yo‘q, yaqin orada mumkin bo‘lgan transfer o‘rganib chiqiladi, deya qo‘shimcha qilgan manba.

Joriy mavsum 25 yoshli Nevesh APLning 27 ta o‘yinda o‘z hisobiga 4 ta gol va 2 ta golli uzatmani yozdirib qo‘ygan. Transfermarkt uni 40 million yevroga baholagan.