"Bavariya" haligacha hujumchi Robert Levandovski bilan shartnomani 2023 yilning yoziga qadar uzaytirish bo‘yicha muzokaralarga kirishgani yo‘q. Myunxen klubi muzokaralarni boshlamayotgani polyakni bezovta qilmoqda, deb xabar beradi Sport1.
"Bavariya" bu masalani "kerakli vaqtda" muhokama qilmoqchi. Shu bilan birga, Germaniya chempioni Levandovskini yo‘qotishni istamayapti, shu bois shartnoma bo‘yicha muzokaralar yaqin haftalarda boshlanishi kerak.
Amaldagi shartnomaga ko‘ra, 33 yoshli Levandovski "Bavariya"da soliqlarsiz 23 milliondan 25 million yevrogacha oladi. "Bavariya" futbolchining maoshini sezilarli darajada oshira olmaydi, chunki ular jamoada maoshning yuqori chegarasini belgilab qo‘ygan. Eng yuqori maosh yiliga 25 million yevrodan oshmasligi kerak.
2021/22 yilgi mavsumda Levandovski "Bavariya" safida 36 ta o‘yinda maydonga tushib, 43 ta gol urdi va 4 ta golli uzatmani amalga oshirdi.
