"Бавария" ҳалигача ҳужумчи Роберт Левандовски билан шартномани 2023 йилнинг ёзига қадар узайтириш бўйича музокараларга киришгани йўқ. Мюнхен клуби музокараларни бошламайотгани полякни безовта қилмоқда, деб хабар беради Sport1.
"Бавария" бу масалани "керакли вақтда" муҳокама қилмоқчи. Шу билан бирга, Германия чемпиони Левандовскини йўқотишни истамаяпти, шу боис шартнома бўйича музокаралар яқин ҳафталарда бошланиши керак.
Амалдаги шартномага кўра, 33 ёшли Левандовски "Бавария"да солиқларсиз 23 миллиондан 25 миллион еврогача олади. "Бавария" футболчининг маошини сезиларли даражада ошира олмайди, чунки улар жамоада маошнинг юқори чегарасини белгилаб қўйган. Энг юқори маош йилига 25 миллион евродан ошмаслиги керак.
2021/22 йилги мавсумда Левандовски "Бавария" сафида 36 та ўйинда майдонга тушиб, 43 та гол урди ва 4 та голли узатмани амалга оширди.
